Yap 2 ngut, poor u COVID-19 cha ki 634 ngut ha ka Diamond Princess

Ka chnat i chait i khiah ka sorkar Japan ynne da pyntikna ko wa da em sa 13 ngut wa yoh ya u khñiang Covid-19 hapoh ka jhaad Diamond Princess.

Wa kini ki 13 ngut da pytikna wa kiwa yoh ya u khñiang hapoh ka jhaad da kynjoh i cha ka 634 ngut.

Kani ka jhaad toh kawa chah khang kset (Quarantine) harood ka sorbah Yokohama nadooh ka 3 tarik uni u bnai.

Chooh chooh da pyntip wa da yap leh ki 2 ngut kiwa chong ha kani ka jhaad kiwa da yoh ya u COVID-19.

Kini kiwa yap toh kiwa 80 snem tam i rta wei kynthup ki uwi u chynrang wa ka kynthai wei toh ki nong Japan.

Kini ki ar ngut da yap ki ha ki thaw sumaar wa chah sumaar ki.