Hadooh 26 ngut ki bru da khlaad ki wei da mynsoo palat 300 ngut hadien wa khih u khmi ha Pakistan ynnin i janmiet.
Uni u khmi toh uwa da thaw wa khlanbor kamwa 5.8 ha u Richter Scale wei yillu u kamwa 10 km wei i tre u toh hajan Rawalpindi, Pakistan.
Ya uni u khmi da sñiaw chadooh cha Delhi, Chandigarh, wa kiwi kiwi ki sorbah ha India.
Neiliang u heh ka Pakistan National Disaster Management Authority, u Lt. General Mohammad Afzal da ong u wa ki thaw wa da chah ktha bhai toh ha Jhelum wa Mirpur.
Uni u khmi da ktah u leh ya ka Mangal Dam hajan Mirpur kawa pynmih bor hadooh 900 MW da sangeh i pynmih bordiñ ko kawa pynpoi bordiñ cha ka National Grid.
U Montri Rangbahdooh ka ri, u Narendra Modi da phah u ya ki kyntien sñiawlem cha ka Pakistan heiyatoh wa uni u khmi.
Discussion about this post