Ki metyap yong ki le ngut na ki soo ngut ki khynnah skur wa wiar ha ka wah Brahmaputra ha Pandu Ghat, Guwahati da chem ya ki kiwa da wiar pyn ynne i sngi.
Ya ki metyap da tip kam u Dip Sarkar, Dayal Sheikh wa u Jit Das katwa ya u Abinash Das ym pu em chem ya oo.
Ki bru paidbah nyngkong da yoo ki ya ki muna skur kini ki khynnah harood ka wah Brahmaputra heipor 2:00 waje ynne ka sngi Bibar.
Kini ki khynnah skur toh kiwa lai yimpa ha ka wah Brahmaputra hadien wa liwan ki nei lai Tuition.
Ki bru ka State Disaster Response Force (SDRF) wa ka National Disaster Response Force (NDRF) da pynman yei thooh ya kini ki khynnah na ka wah Brahmaputra.
Da tip leh wa kini ki khynnah lai yimpa ki neidaw wa da chna ki ya ka Reel Video na ka Mobile Phone chwa wow lai yimpa ki. Ya kani ka Smartphone da chem hadien narood ka wah.
Katkam ka khubor wa da yoh, kini toh ki khynnah Class 10 ka skur idya Mandir School wei da em ki kamwa 15 snem i rta.
Da chem leh ya waroh ki muna skur wa ki slipar kini ki khynnah.
