Kawi ka lieñsuiñ ynne ka sngi kawa hiar ha Istanbul Airport da lai lait (Skidded off) ko ya u sarok thaw hiar (Runway) neidaw wa sih i suiñ bneiñ heiwa da khliah wei da kem diñ ko.
Ini da jia i heipor ynne i step synyaw heipor kamwa 11:26 i miet (1:56 Am ynne ha India) heipor wa wan ko cha ka Sabiha Gokcen airport, Istanbul, Turkey wei dang wan ko na Izmir kawa jngai kamwa 350 Km na Istanbul.
Kani ka lieñsuiñ toh ka Boeing 737 wa pynlai da ka Pegasus Airlines wei da kit ko ya ki 177 ngut ki bru (Passengers).
Neiliang ki wakreh kani ka Airport mar jia ini da beh ki cha i thaw wa jia ini wei da yaleh ki wow tympleh ya i diñ wei wow yarap ya kiwa mynsoo.
Ha ini i jia da yap noh 3 ngut ki bru wei da mynsoo 179 ngut.
U montri ka chnat i chait i khiah (Health) ka Turkey, u Fahrettin Koca da pyntip u wa ha ini i jia da yap 3 ngut ki bru Turkey wei da mynsoo 179 ngut.
Hadien ini i jia da khang chipor ya ka Sabiha Gokcen Airport katwa ki bor sorkar dang takit wei dang leh ki yeiwa emkaam.
Discussion about this post