Le ngut ki bru wa kynthup ya ar ngut ki chipai ka Indian Army da yap ki hadien wa oor i khyndaw ynnin i miet heipor kamwa 7:00 waje ha ka Army Camp ha Chatten, North Sikkim.
U Arun Thatal, u Sub-divisional Police Officer ka Chungthang, Mangan District da ong u wa kani ka Army Camp ha Chatten da chah ktah ko hei oor khyndaw nei ku syndet ka Wah Lachen heiwa da chem ya le tylli ki metyap wei dang wiar 6 ngut wa kynthup ya ki chipai.
Kiwa yap kynthup ki ya u Hav. Lakhwinder Singh, u Lance Naik Munish Thakur wa u Abhishek Lakhada uwa man u bru paidbah.
Ha ka 29 tarik u bnai wa dep da em 8 ngut kiwa uiñke kiwa da wiar ha North Sikkim hadien wa ngam ka kari wa chong ki ha ka Wah Teesta heiwa da suba wa da yap lut ki.
Hadooh ynne i step da yoh wow pynlait ya ki 1,600 ngut kiwa uiñke suwari kiwa da sahkut ha Lachung nadooh ka 30 tarik u Naisan nei joor u slap wei oor khyndaw.
Discussion about this post