Kawi ka MTC Night Bus kawa lai na Tura cha Shillong da noh ko cha ka wah Ringdi ha Nongchram, East Garo Hills ynne i step synyaw heipor 12:00 waje.
Yow yarap da wan ki bru wa pynlait im kiwa na Rongjeng wa Williamnagar Fire and Emergency Services yow yarap sai ya kiwa maad ha ini i jia wa sñiawsih.
Ha ini i jia, da yap 5 ngut ki bru wei ya kiwa mynsoo da kit cha Rongjeng PHC, East Garo Hills yow yoh ki yei sumaar.
I sai ya ki bru nadpoh ka Bus dang pteiñ i iwa da rap chem chitom neidaw wa joor u slap wei ka um leh da kmai ko wei khlan bor ko.
Katkam ka yutip wa da yoh na kiwa pynlai ya ka Bus, 9 ngut kiwa lai luti toh kiwa na Tura wa 12 ngut kiwa na Williamnagar.
