U khmi wa khlanbor 7.1 ha ka Richter Scale uwa da sdang na thaaiñ Xizang ka Tibet uwa da sniaw deiwa rap joor ha Nepal, da sñiaw ya oo leh chadooh Bihar, Delhi, Assam wa West Bengal uwa da jia heipor 6:35 ynne i step uwa yillu 10 Km chapoh khyndaw.
Katkam wa pyntip ka National Centre for Seismology ka sorkar India da khih khmi hadooh 18 sien du ynne i step kiwa da sdang na Tibet waroh wei chwa uni uwa 7.1, heipor 5:41 da khih u khmi wa khlanbor 4.2 wei da poi u 7.1, heipor 07:02 da khih sa uwi uwa 4.7, pynbood sa u 4.9 heipor 7:23, u 5.0 heipor 7:13, u 4.9 heipor 7:29, u 4.8 heipor 7:44, u 4.5 heipor 8:49, u 4.3 heipor 8:57, u 4.3 heipor 9:11, u 4.3 heipor 9:15, u 4.1 heipor 10:41, u 4.0 heipor 10:57, u 3.8 heipor 11:23, u 4.5 heipor 11:27, u 4.1 heipor 11:55, u 3.8 heipor 12:32 wa u 4.0 heipor 12:34.
Lait na uwa khlanbor 7.1 kiwi toh kiwa da sñiaw hapoh Tibet wa ki thaw khappood wa ka Nepal.
Ka khubor kawa da yoh da ong wa em 53 ngut kiwa yap ha Tibet wa 62 ngut kiwa mynsoo wei i chnong wa sdang uni u khmi da tip kam i Tingri iwa man leh i chnong wa lai ki bru cha u Mt. Everest na Tibet.
Discussion about this post