Ynne ka sngi 6 ngut ki bru da yap ki hadien wa tkut u tylle ka Ropeway wa kit ya ki tiar kreh pynmiat ya ka Mandir ha Pavagadh ka Panchmahal District, Gujarat.
Kiwa yap kynthup ki ya soo ngut kiwa kreh u Contractor wa kreh pynmiat ya ka Kalika Mata Mandir ha Pavagadh.
Yeini da pyntikna leh da u Superintendent of Police ka Panchmahal District, u Haresh Dudhat heiwa da ong u wa ki metyap da rah wow leh ya ka Post-Mortem.
Na kiwa yap kynthup ki ya ar ngut ki Lift Operator, soo ngut won toh kiwa chong ha ka Cabin Ropeway, heipor wa tkut u tylle heipor 3:30 i janmiet.
Neiliang u SP da ong u wa ka Cabin ka Ropeway da haap ko cha khyndaw wei da yap ki waroh 6 ngut heiwa da Register leh ya ka Case ha Pavagadh Police Station.
Da ong u leh wa i takit hajrong ini dang lai i chaphrang wei lada chem wa em i khalær daw leh ki yeiwa emkaam.
Hadien ini, ya ka Ropeway wa da thmu wow kit ya kiwa wan uiñke leh da pynsangeh mar ya jia ini.
Ki Crane wa da wanrah wow kyrriah ya iwa da haap na ka Ropeway da chah ya ki wow lai khnang wow chah ya ki pulit ka Fire Department wow sai ya ki metyap.
Ki pulit da ong ki leh wa i yap toh da jia i hadien wa haap kani ka Cabin najrong cha khyndaw.
U President ka Kalika Mata Trust kawa pait ya ka Mahakali Mandir ha Pavagadh Hills, u Surendra Patel da ong u wa ini da jia i heipor wa sylli ya ka Ropeway.
Discussion about this post