Yap 6 ngut ki pulit ka Assam hadien wa joor syndet ka kajia pood wa ka Mizoram

I kynaad pood hapyrdi ka Assam wa ka Mizoram da poi i chadooh i yap ki 6 ngut ki pulit ka Assam ynne ka sngi ha khappood wa em ha ki bynta ka Cachar, Assam.

Katkam ka kyrwoh na u montri rangbah ka Mizoram u Zoramthanga da pynbaad u wa da em kamwa 200 ngut ki pulit ka Assam kiwa rah tiar yasiat wa yahkhmat da u IGP ka Assam deiwa emlang u DC ka Cachar, u SP ka Cachar wa u DFO Cachar kiwa da wan ki cha Vairengte Auti-Rickshaw Stand heipor 11:30 i step wei da kaap ki ya ka thaw yang ki bru ka CRPF hadooh wa poi cha i thaw wa yang da uwi u pulit ka Mizoram.

U Zoramthanga da ong u leh wa ki pulit ka Assam da tympra ki leh ya kiwa boon ki kari wa lai lyngba ka National Highway hapyrdi ka chnong Vairengte wa Lailapur.

Da ong u leh wa hadien wa tip ki paidbah ya ini i leh ki pulit heiwa da em leh i thang ki pulit ka Assam, kiwa chong chnong ka Vairangte, Kolasib District da lai ki cha ini i thaw yow pait yeiwa jia heiwa ki bru paidbah kiwa ym rah ya kiwon kiwon ki tiar da chah dat ki da u lathi wei da chah siat ki da ki Tear Gas hadooh wa da mynsoo ki.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Hadien ini da lai u SP ka Kolasib wa u Executive Magistrate yow pyn jai-jai tangwa neiliang ka Assam ym bien ki wow ap heiwa da siat da ki Tear Gas cha ki pulit ka Mizoram wei da em leh kiwa sdang wow siat neiliang ka Assam heipor 4:50 i janmiet iwa da pynman ya ki pulit ka Mizoram wow siat kylla ki heipor wa u SP wa dang em u hapoh ka CRPF Duty Camp uwa dang yaklam wow pynyasuk wa ki pulit ka Assam. Da pynrap u deiwa ong wa ini iwa jia toh iwa sñiawsih wei da jia i du neidaw wa toor ki Assam cha ka CRPF Camp wa cha ki thaw wa yang ki pulit ka Mizoram.

Neiliang waroh ar ki montri rangbah da yaklam ki wa u montri kaam pohyung ka ri u Amit Shah yow wanrah yei yasuk.

U montri rangbah ka Assam u Himanta Biswa Sarma da ong u wa u SP ka Kolasib da phah u ya ki pulit ka Assam wow kyrriah ki na ki thaw yang (Post) ki Assam wei lym kamtæ ki paidbah ym sangeh ki yei ya awri deiwa kylli wa kammon u pynman ya ka synchaar khadar ha ini i rukom.

Da pynsñiaw u leh yei sñiawsih yei dooh yei mynsien ki 6 ngut ki pulit kiwa da yap wow yada ya u pood ka jylla Assam-Mizoram.

Neiliang u montri rangbah ka Mizoram, u Zoramthanga da thoh u ha Twitter deiwa kyntu ya u montri ki kaam pohyung ka ri, u Amit Shah wow chimkhia u yeini i awri wei wow pynsangeh noh ya ini i awri chisiendon. Hajrong ini neiliang u montri rangbah ka Assam, u Himanta Bisawa Sarma da ong u wow takit wa neiyi i daw wa ki bru na Mizoram ksoh dieñ ki kam wow pynmih ya i awri. Da kyntu u leh ya ki paidbah wymtoh u chim ki ya ka aiñ ha kti wei wow chah wow em i yaklam yasuk hapyrdi ki ar sorkar.

Da antaad leh wa da em kamwa 30 ngut ki pulit ka Assam kiwa da mynsoo.