Ynne i sngi heipor kamwa 11:10 da em i oor thah (Avalanche) ha u sarok Gangtok-Natu La JNM Road hajan MS 15 ka jylla Sikkim heiwa da suba wa chah ban 5-6 tylli ki kari wa kamwa 20-30 ngut kiwa uiñke suwari heipor wa dang lai ki cha Natu La heiwa da chah tymmoh ki ha u thah.
Da em ki kari deilang wa ki bru kiwa da chah rah cha ka synrang wa em harood kani ka sarok wei da chah tymmooh ki ha u thah wa rben.
Neiliang ki chipai yong ka Trishakti Corps, Indian Army wa kiwa kreh ka BRO Project SWASTIK da kreh ki wut-wut wow pynlait ya ki i ki bru.
Kiwa da ye u pynlait da em ki 27 ngut wa kynthup ya ki 7 ngut na kani ka synrang wei da kit ya ki cha ki thaw sumaar tangwa kini ki 7 ngut da khlaad noh ki.
Neiliang ki chipai wa ki State Disaster Management Team wa ki pulit da kreh ki wow pynlait sa ya kamwa 350 ngut ha ki 80 kari kiwa sahkut chiteiñ luti.
