Yap 8 ngut hadien wa dat Bomb ka US ya ka yingkieñ ha Iran

Ynnin ka sngi da em 8 ngut kiwa yap wei 95 ngut wa mynsoo hadien wa dat Bomb ka US ya ka yingkieñ ha Karaj, Iran wei ya kani ka yingkieñ da tip kam ka B1 Bridge.

Kiwa yap kynthup ki ya kiwa sah hajan ka yingkieñ wa kiwa lai luti na kani ka yingkieñ. 

Kani ka yingkieñ da chah dat Bomb ko ar sien heiwa hadien wa chah dat Bomb nyngkong da wan ki bru wow yarap ya kiwa mynsoo wei heini i por da chah dat Bomb sa chisien heiwa da mynsoo kiwa boon kiwa da wan wow yarap.

U President ka Iran, u Masoud Pezeshkian da ong u wa ka Iran u yieñ skem ko wow yada ya ki paidbah nei wan hiar thma ka United States wa Israel ya ka.

Related posts

Da khut ya ki tre nan dakha wa em ha Jaiñtia Hills wow wan cha ka yalang wa pynman ka RJPOFO  

April 3, 2026

Da wai ya ka Hostel thymme neibynta ki chynrang ha Jowai | Chi bnai Free ka bai sah ya kiwa wan smat

April 3, 2026

Da yaklam phone u leh wa u Preaident ka Azerbaijan u Ilham Aliyev, heiwa u Pezeshkian da ong u wa ka Iran dang yaklam ko wa ka USA heipor wa dat bomb syndet ko ya ka Iran ha ka 28 tarik u February. Da ong u wa ha ini i dat Bomb da mang leh ya ki karkhana, ki skur wa thaw sumaar.

Kamwa man katni da em 2,000 ngut wa yap ha Iran kiwa kynthup leh ya ki kynthai wa khynnah nadooh wa sdang kani ka thma.