Nongpoh: I yap ki bru kiwa yoh kjut nei baam doh sniang hadien wa kut ka yaseiñ ha Nongkya, Ri-Bhoi District, dang pteiñ ki hadooh ynne ka sngi heiwa da yoh yutip wa hadooh 9 ngut ki bru da khlaad ha ki thaw sumaar waphær waphær.
Kiwa khalad kynthup ki ya u Welborn Nongkseh, u khynnah wa dang 7 snem uwa khlaad ha Usmning CHC wa u Bamyniatoi Rympeit, uwa dang 7 snem uwa khlaad ha Bethany Hospital Nongpoh ynne ka step, katwa kiwi won kiwa da khlaad noh na i tai i baam dohsniang ym pu yoh pyrtuid ya ki.
Hawa lai yachem ya u District Medical & Health Officer ka Ri-Bhoi District, u Dr. Bareh Pohchen Lamin, da ong wa hadooh ynnin ka sngi nyngkong, da em 212 ki bru wa chah ktah wei hadooh 136 ngut kiwa chitom joor kiwa da chah sumaar ki ha ki Hospital kiwa em ha Ri-Bhoi wa ha Nongbah Shillong kamjooh.
Da ong u leh wa neiliang ka tnat i chait i khiah deilang wa ki bor District ka Ri-Bhoi, da leh ki katwa ye yow thooh ki laad sumaar ya kiwa chitom.
Chooh chooh da ong u wa da takit yow chem tre yeiwa jia ya ki bru wa baam dohsnaing ha kani ka sngi Bibar.
U Waheh Chong ka Nongkya u Lumlang Barim da ong u wa ym tip yei sakhiat yei daw wa jia ini waroh wei da suba toh na i doh sniang wei da pynemkaam ya i doh sniang ha ka tai ka sngi uwa da pynyap nadooh ka sngi Thohdieñ.
Discussion about this post