Ynne i step heipor 9:43 ha u sarokbah NH-06 (Guwahati-Shillong) ha Shangbangla, Ri-Bhoi District, da em i yatyrrah hapyrdi ka thuk-thuk wa kawi ka Truck heiwa ki ar ngut wa chong thuk-thuk da yap ki ha ini hi i thaw.
Ya kani ka thuk-thuk Royal Enfield Himalayan kawa em Number AS-01FF-3367 da yah da u Nilutpal Dowari (23 snem) uwa na Moranhat, Dibrugarh, Assam wei da chong hadien da ka Gargee Chutia (21 snem) kawa na na Moranhat, Charaideo, Assam wei toh kiwa lai na Guwahati cha Shillong.
Manda poi ha ini i thaw da thmu ki wow lai nakhmat ka Truck wa em Number AS-01RC-0413 wa yah da u Helmi Suting (34 snem) na Moorathud, West Jaiñtia Hills tangwa neidaw wa dong i thaw da tyrrah ya ka kani ka Truck.
Kini ki ar ngut da haap ki hapoh ka Truck heiwa da chah yooh ki wei da yap ki pyn ha ini i jooh i thaw.
Ya kini ki metyap da kit cha Civil Hospital Morgue Room Nongpoh wow leh yeiwa emkaam wei ya uwa yah Truck da rah cha Nongpoh Police Station.
Discussion about this post