Ynne heipor kamwa 12:05 i pyrdi synyaaw da em i ya tyrrah kari heiwa da yap ar ngut ki bru wa em hapoh kawi ka kari Maruti Alto 800 kawa wan na Shillong yow lai cha Guwahati.
Ini da jia i ha Umlyngkdait, Ri-Bhoi District ha u sarok NH-6 wei ya kani ka kari wa em Number ML-05R-8598 da yah da u Robi Paswan (30 snem) uwa na Lumparing, Shillong wei da emlang wa uwa tip kam u Prakash (26 snem) uwa na Bengaluru, Karnataka.
Ya kini da ye wow pyntikna lyngba ki Driving License wa chem napoh kata ki.
Hei takit ki pulit da chem wa kani ka kari da tyrrah ko wa kawi ka Truck nadien kawa da yut noh na ini i thaw wei kani ka kari Maruti Alto 800 toh kawa da pra phrai wei uwa yah kamjooh uwa em hapoh ka khlaad ki pyn hapoh ini i thaw wa jia.
Ya ki metyap da kit cha Civil Hospital Nongpoh katwa ya ka kari da taan cha Nongpoh Police Station.
Discussion about this post