Jowai: Ynne i sngi heipor kamwa 11:00 waje i step da em i jia wa sñiawsih ha chnong Mynsngat, West Jaiñtia Hills heiwa da dooh ya ar tylli ki mynsien hadien wa dat uwi u pyrthat.
Ha ini i jia kiwa khlaad da tip kam u Rinalson Pakma uwa 33 snem i rta wa u Marjan Pakma uwa 35 snem i rta. U Marjan toh uwa rep katwa u Rinalson won toh uwa kreh ha ka MeECL wei da jia ini ha i hali wa em ha kani hi ka chnong.
Ya ini da em leh ki kattu katni kiwa sakhi yeiwa jia kiwa da ong wa da khlaad ki pyn ha ini i thaw hadien wa dat u pyrthat ki.
Neiliang ki pulit ka Nartiang Police Station dalai ki bran bran cha kani ka thaw wow leh yeiwa emkaam wei da kit ya kini ki metyap wow leh ya ka Post Mortem.
Discussion about this post