Ka Ambulance kawa toh u man ka kari wa pynlait im ya ki bru da man pathan kam kawa pynyap bru iwa da jia ha Bengaluru kawa da tyrrah ya kiwa boon tylli ki thuk-thuk kiwa sangeh ha ka Red Signal heiwa da yap ar ngut.
Ini da jia i hei miet ka 1 tarik heipor kamwa 11:00 waje ha i por wa kiwa yah thuk-thuk dang sangeh ki ha ka Red Signal wei da wan kani ka Ambulance wa pynhær bha kawa da tyrrah ki nadien.
Kani ka Ambulance da tyrrah ko ya le tylli ki thuk-thuk wei da taan ko ya kawi kattu katni meter wei da sangeh ko hadien wa tyrrah ya kawi ka thaw yieñ pulit.
Ki ar ngut wa yap toh ki chi kurim kiwa tip kam u Ismail wa ka Sameen Banu kiwa chong ha kawi ka Scooty Honda Dio wei da khlaad ki pyn ha ini i thaw wa jia katwa ki arngut kiwi kiwa da mynsoo da kit ki cha ka Hospital wa em chajan.
Ki Video wa da poor da yoo wa ki paidbah da wan ki wow pynkylla ya kani ka Ambulance yow ye u sai ya kiwa chah taan ha ka.
Neiliang ki pulit ka Wilson Garden Traffic Police dapoi ki ha kani ka thaw yow pynman yei takit wei da kem leh ya uwa yah ya kani ka Ambulance uwa tip kam u Ashok wei da Register leh ya ka FIR.
Discussion about this post