Ar ngut kiwa khih mylla da dooh ki yei mynsien ki hadien wa chah ban khyndaw san ngut kiwa kreh ha tre uwi u loom yow chna kynroh (Retaining Wall) wa em hajan ka Bokmagre Petrol Station, Tura ynne i step.
Heipor kamwa 9:30 i bynta wa rap heh uni u loom da oor i heiwa da chah ban kini kiwa kreh mylla ha i khyndaw wa ki moo.
Ki bru ka District Disaster Management Authority (DDMA), State Disaster Response Force (SDRF) wa pulit da pynman ki yei thooh ya kini kiwa chah ban heiwa uwi da ye wow sai chwa oo da ki bru paidbah katwa le ngut won da ye wow sai ki da ki SDRF.
Tangwa ar ngut kiwi da khlaad noh ki uwa tip kam u Saijal Haque na South Salmara Mancachar, Assam katwa uwi won da khlaad noh u manda poi ha Tura Civil Hospital.
Ya kiwi kiwa mynsoo da sumaar ki ha Tura Civil Hospital.
Ini wa jia da wanrah ko yei yalang kiwa boon ki paidbah wei da emlang leh u Jude R.T. Sangma, CEO ka DDMA West Garo Hills uwa da pait yeini i thooh ya kiwa chah ban wei da pyndam yei thooh heipor 12:30 i sngi neidaw wym em man skem uni u loom.
Da pyntip leh wa daw pynman yei takit yow tip kammon jia wei wow booh noh da ki kyndon hawa pynman ya kam ini i ah khyndaw ha waroh kawi ka District.
Discussion about this post