I jia wa sñiawsih nei chlai um ha Sikkim da pteiñ i heiwa ynnin i miet da em ar ngut ki bru wa yap wei ym duna soo ngut wa mynsoo ha Jalpaiguri, West Bengal neiwa pdung u Bomb namo u Mortar Shell wa rong ka um hadien wa chlai ka wah Teesta ha Sikkim ha i step ka 4 tarik.
Da ong wa uni u bom toh u yong ki chipai Army wa da rah ka wah Teesta oo na Bordang cha Jalpaiguri hadien wa chlai um ka wah Teesta.
Ki pulit da ong ki wa ki soo ngut kiwi tawon da mynsoo joor ki wei dang em ki hapyrdi i chah sumaar wei uwi na kiwa yap toh uwa dang 7 snem kiwa man chi yung.
Ini da jia i hadien wa kini ki bru da chem ki ya kawi ka synduk narood ka wah Teesta heiwa da rah ki ya kani ka synduk cha yung wei manda wai ki ka pdung wot uni u Bomb.
Kam wow kdaw heini ka sorkar Sikkim ynnin da maham ko wa ye u em ki Bomb wa chah rong ha ka wah Teesta wei wow man ki paidbah kiwa syndong.
Discussion about this post