Ynne i sngi heipor wa wan syndet u slap heipor kamwa 12:30 da em i jia wa sñiawsih heiwa da em ar ngut ki khon ka chnong Iongnoh da dooh ki yei mynsien heipor wa dat u pyrthat ha i hali wa em ha Thwaimarang heipor wa dang kreh ki ha hali.
Ha ini i hali da em 6 ngut ki bru heiwa kiwa khlaad da pyntip ki pulit toh ka Berlin Shylla kawa 43 snem i rta wa u Eliangmi Shylla uwa 17 snem i rta.
Da ong wa u pyrthat da dat u heipor wa kini ki ar ngut dang wær ki ha hali yong ki wei hadooh wa pynmih ya kani ka khubor ya i doh i pran yong ki da ieh chi thaw kamwa man heipor wa dat u pyrthat wei wow yang hadooh kamwa 24 kynta chwa wow ye u leh yeiwa emkaam.
Neiliang u waheh chnong ka Iongnoh, u Marshi Shylla da ong u wa ya kini ki metyap daw yang hadooh mynstep chwa wow chimkti ya ki wow ye u leh yeiwa emkaam.
Da pyntip u leh wa neiliang ki pulit da wan ki wow leh yeiwa emkaam.
