Ka Khasi Students’ Union (KSU), South West Border Circle deilang ka KSU East Jaiñtia Hills District ynne ka sngi da lai e dorkhat ko ha u Superintendent of Fisheries, East Jaiñtia Hills District, neidaw wa yap biang ki dakha mar ya poi u slap u snem thymme ha ka wah Prang.
Ini man ko leh kam wow booddien ya ka dorkhat wa da booh ha u DC ka East Jaiñtia Hills ha ka 13 tarik u May 2025 yow takit yeini wa jia ynnin u snem heiwa ya ka Report ym pu em pynmih pyrthai hadooh kattæ leh.
Iwa dang jia kattæ toh ha ka 14 wa 15 tarik uni u bnai Wisu (March) iwa da pynkhuslai ya kiwa chong chnong kiwa pynemkaam ya ki dakha kamjooh ka um na kani ka wah.
Ka seiñ da dawa ko na u Superintendent of Fisheries wow pynsmat yei takit yeini wa yap ki dakha wei wow pyntip paidbah leh yei daw wa jia ini.
Da beiñ leh ya ka Jaiñtia Hills Autonomous District Council (JHADC), kawa toh u sumaar ya ki um ki wah deilang ki doh-um tangwa da dai lilam pathan cha kiwi wow tong dakha na kani ka wah.
Ka seiñ da ong ko wa nadooh uni u snem ym chah de ya ka JHADC wow dai lilam ya kani ka wah cha ki bru samen kamjooh cha kiwon kiwon wei lada leh yeini daw pynyoo deiwa khor.
I pyntip na u Pynshngaiñ Lamin, Publicity Secretary KSU South West Border Circle.
Discussion about this post