I hiar i dait thah cha -8 Degrees Celsius deilang waka yor wa joor ha i chnong Muree, Pakistan heipor miet da wanrah ko yei yap ki 21 ngut ki bru kiwa sahkut hapoh kari ynne i step. Ini i chnong toh iwa ka-it ki bru wow lai uiñke suwari.
8 ngut na ki 21 ngut kiwa yap toh kiwa chi yung u pulit wa tip kam u Naveed Iqbal, uwa da yap lang neidaw wa yoh Hypothermia.
Hadien wa ye u pynlait ya kiwa uiñke suwari kiwa sahkut hapoh kari, kiwa yap toh 10 ngut ki chynrang, 10 ngut ki khynnah wa 2 ngut ki kynthai.
U Interior Minister Sheikh Rashid Ahmed da pyntip u wa da em da ki hajar tylli ki kari kiwa sahkut ha sarok nei joor i haap ka yor hadooh ynne ka sngi.
Palat 4 phut ka yor da haap hei miet hadooh wa kylla tarik wei da phah leh da ki bru chipai wow lai pynlait ya kini kiwa sahkut.
Da khang leh ya kiwon kiwon wow wan lane mih na Muree lait na kiwa wan yarap da ki baam wa kiwi kiwa emkaam ki bru wa sahkut.
