Ynne i step synyaaw ka 8 tarik, kawi ka manyung ha chnong Pynthor Langteiñ da maad ko yei jia wa sñiawsih nei chah ban khyndaw i yung yong ki hadien wa u slap wa joor da neh u la kattu katni sngi.
Heini i jia oor khyndaw waroh soo ngut kiwa em hapoh yung da khlaad ki wa kynthup yaka bei kawa tip kam ka Pynjanai Ryngkhlem, u pa u Biangki Phawa, u khon chynrang uwa 6 snem uwa tip kam u Edify Ryngkhlem waka khon kynthai ki kawa dang 3 snem kawa tip kam ka Viladaroi Ryngkhlem.
Katkam i pyntip na u Waheh Chnong ka Pynthor Langteiñ, u A. Lipon da ong u wa yei por wa jia ini ym em watip tangwa manda khai thiah heh ki bru hei step da yoo ki heipor kam 5:30 haroh.
U pa kani ka yung toh uwa chna mooblock, ka bei won kawa choh mooria, u khon toh uwa lai Class A-Heh ha Pynthor Langteiñ Govt. LP School katwa ka khon won toh ka wym pu em lai skur.
U waheh chnong da ong u leh wa daw lai tlep noh ya kini ki 4 ngut mynstep ka 9 tarik heipor 1:00 waje i sngi ha loom tlep-bru ka Balang Presbyterian Pynthor Langteiñ.
Hadien wa yoo yeini, ki paidbah da ya mih ki wow yarap pynlait ya kiwa chah ban khyndaw tangwa kat how yoh pynlait da chem wa da khlaad noh ki waroh.
Discussion about this post