Yap ka kynthai wa haap napoh ka kari wa yah u chan ko | Dang pynman ki pulit yei takit

Ki pulit ka nongbah Shillong dang takit ki hajrong iwa jia ya kawi ka kynthai kawa haap napoh ka kari Alto K10 ha ka 7 tarik uni u bnai heiwa da khlaad noh ko ha ka 13 tarik ha Woodland Hospital Shillong.

Hajrong ini wa jia, u Superintendent of Police ka East Khasi Hills, u Vivek Syiem da khana u wa da kem ya uni u bru wa yah ya kani ka kari wei da takit deiwa bichaar leh ya ki CCTV wa ki pulit da yoh ki yow tip yeiwa jia.

U SP da pyntip u wa uni u bru kattæ da yoh jamin u.

Katkam wa ong u SP, kani ka kynthai wa khlaad da wan ko nei khawai bia wei da wan choo ya ka da uni u bru da ka kari wei heipor wa hiar ki cha ka thaaiñ Khyndailad wei manda poi ha ki bynta wa em mar pyrchah ya ka yung krehkaam ka DC da haap kani ka kynthai napoh kari heipor kamwa 11:50 i miet wei da em wa yoo da ki kattu katni ngut ki bru yeini wa jia.

Related posts

Sñiawkhia ka KSU yeiwa pynemkaam kiwa chong chnong ka Mutong da ki siej yow taan bordiñ cha ki yung ki sem

February 1, 2026

Daw thied thaw chooh lada emkaam wow pynheh ya ka Shillong Airport: Sniawbhalang

February 1, 2026

U SP da pyntip u wa u payu kani ka bru da booh FIR u ha ka 10 tarik uni u bnai.

Katkam ka FIR, kini ki ar ngut toh kiwa chi chan wei uni uwa yah kari toh uwa dadep dih kiad wei wot hadien wa haap kani ka kynthai ym em sangeh kari u wei da sangeh du hadien wa em ki bru wa kbai wei manda wan u da sñiaw ki wa da sma kiad u.

Ya kani ka kynthai da kit da uni u bru deilang uwi uwa wan yarap heiwa nyngkong da kit cha Shillong Civil Hospital wei hadien won cha Woodland Hospital.

Uni uwa yah kari da ong u wym em yoo u wa haap ko napoh kari deiwa kam won u hadien wa haap ko napoh kari heipor wa mynthu ko.