Hadien wa ini wadep kawi ka kari sy’at dor (Porsche) wa yah da u khynnah da tyrrah ko ya ar ngut kiwa chong thuk-thuk hadooh wa yap ki ha Pune, ynne i step ha Worli, Mumbai kawi ka kynthai da dooh ko yei mynsien hadien wa chah tyrrah ko ha kawi ka kari BMW wei da chah taan ko kamwa 100 meter hadooh wa yap wei da mynsoo leh u kurim ko heipor wa lai luti ki da kawi ka Scooty.
Katkam wa pyntip ki pulit ka Mumbai, kini kiwa chi kurim toh kiwa na thaaiñ Koliwada ka Worli wei dang liwan yung ki hadien wa wan thied dakha ki na Sassoon wei ini da jia i heipor kamwa 5:30 i step hajan ka Atria Mall heiwa kani ka kari sy’at dor ka BMW kawa pynhær bha da tyrrah ko ya Scooty nadien wei kiwa chong da hær ki cha suiñ wei da haap ki ha ka Bonnet kani ka kari.
Uni u kurim uwa tip kam u Pradeep Nakhava da ye u kynthiar katwa ka kurim u ka Kaveri Nakhava (45 snem) da neh ko ha Bonnet deiwa ksoh lang wa ki tiar ki tar wei da haap ko hapoh ka kari wei da chah taan ko kamwa 100 meter wei da mynsoo joor ko.
Da kit ya ka cha Nair Hospital yow sumaar tangwa da khlaad noh ko.
Kani ka kari da yut ko na ini i thaw wa jia tangwa hadien da yoh wow kem ka da ki pulit ka Worli wei u tre ko toh u Rajesh Shah, uwa man kam uwa yahkhmat ka Shiv Sena (Shinde) ha Palghar tangwa da yah ya ka da u khon u uwa tip kam u Mihir Shah uwa dang wan dih kiad na kawi ka Bar wa em ha Juhu wei heipor wa liwan da ong u ya uwa yah kari yow yah u da oo wei da jia ini.
Discussion about this post