Yap kawi ka kynthai hadien wa kylla ka lieñ ha Krangshuri

Jowai : Ynne ka sngi heipor kamwa chiteiñ sngi ka lieñ (Bamboo Raft) wa thymme wa da booh ha Krangshuri da kylla ko heipor wa em 7 ngut kiwa chong ha ka.

Mar ya jia ini da ye u sai ya waroh na ka um tangwa ka khynnah wa dang 18 snem i rta ya kawa da tip kam ka Trisha Sen Bhattacharjee na Rilbong, Shillong da neh ko hapoh hadooh kamwa 5 minit.

Hadien wa da ye u sai ya ka da yaleh katwa ye u yarap ya ka wei da pynkit ya ka cha Nongtalang CHC.

Manda poi ha Nongtalang u doctor da ong u wa da khlaad ko.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hei yatoh wa ini ki pulit dang pynman ki ya i takit yow chemdien yei daw wa kylla kani ka lieñ.

Kani ka Bamboo Raft toh kawa dang chna thymme wei da pynemkaam ya ka kamwa dang 20 sngi wei ya kiwa chong leh ym pu em pynbiang Life-jacket ya ki wei neiliang kiwa pait ya ka Krangshuri ynne ka sngi dang dep thied Life-jacket ki na Shillong heipor wa jia ini wa sniawsih.