Shillong: Ynne ka sngi heipor kamwa 10:30, le ngut ki bru da haap ki ha kawi ka thlu-um kawa em ha ka chnong Diengiong hajan Mawdiangdiang.
Kini ki le ngut toh kiwa tih ya kani ka thlu-um kawa yillu kamwa 60 phut chapoh.
Katkam ka yutip wa da yoh, em soo ngut kiwa tih ya kani ka thlu-um wei uwi na ki uwa tip kam u Banplielad Syiem (28) da hiar u chapoh wow pynlait ya u tylle wa boh ha chram ini i thlu tangwa nei mih tdem ka pump taan um da khaitlot u syndet syndet, mar ya yoo yeini neiliang ki ar ngut kiwi tawon da hiar ki chapoh wei kini leh da neh ki chapoh katwa ka um dang ku ko.
Kini ki ar ngut da tip pyrtuid kam u Lamphrang Lyngdoh (29) wa u Warles Kharsyntiew (31), kini ki le ngut toh kiwa na chnong Umkseh Lama kawa em ha Umroi, Ri-Bhoi District.
Neiliang ka State Disaster Response Force (SDRF) wa yahkhmat da u ASI Paul Sangkly dang pyrchang ki wow sai ya kini ki le ngut wa da suba wa da khlaad ki hapoh kani ka thlu.
Kani ka thlu-um toh i yong ka Marylis Mawrie na ka chnong Diengiong Mawdiangdiang wei da pynkreh yeini i kreh da u Kemel Marbaniang na ka chnong Umroi, uwa man leh u pa yong uwi na ki le ngut.
Update
Heipor kamwa 8:30 i miet da ye wow sai yei metyap yong ki le ngut.
Discussion about this post