Jowai : Ynne i step heipor kamwa 8:30 kawi ka kari pick-up kawa em ya u No. ML 04 A 9019 da kylla ko hachwa wow poi ka chnong Khahnar, East Jaiñtia Hills heiwa da dooh le tylli ki mynsien wei da mynsoo hadooh 39 ngut.
Kani ka kari toh kawa wan na Mooknor ka wa lai cha Saipung.
Kani ka kari thmu ko wow kit bru wow lai cha Saipung PHC heiwa da wan e dawai mynkna ka Bansara Eye Care.
Kiwa chong hapoh ka kari da pyntip ki wa ka kari kawa kit palat hadooh soophaw tam ngut wei mar poi ko ha chnong Khahnar da kylla ko arsien hadien wa uwa yah ymye de u ka u pyllai (loose control).
Mar ya jia ini da pynkit ya kiwa mynsoo bran bran cha Saipung PHC yow yoh First Aid wei da pynkit ya ki cha Sutnga CHC, cha Jowai Civil Hospital wa kiwi kiwi ki thaw wow yoh yei sumaar.
Kiwa da yap da tip kam ka Kalbina Pakem kawa 70 snem i rta, Ruphina Paslein kawa 54 snem i rta kiwa na chnong Khahnar wei kawi ka khynnah wa dang 5 snem wa tip kam ka Pdianghunlangki Lamurong.
Neiliang u Wyrta daw pyntip i cha phi manda yoh khubor chooh chooh hei yatoh weini.
Discussion about this post