U bru uwa na India uwa tip kam u Jashanpreet Singh (21 snem) uwa yah ya ka Truck wa tyrrah ya boon tylli ki kari hadooh wa yap le ngut ki bru iwa da jia ha California, USA, da ong ki bor ka aiñ wa muiad drugs u heipor wa jia ini.
Ini toh iwa da jia ha ka 21 tarik uni u bnai wei hadien wa takit da booh ya ka ujor pyrchah ya oo wa pynyap bru deiwa yah Truck dei muaid drugs najrong wa psiah u chapoh ka USA pyrchah ya ka aiñ.
Ka Dashcam wa em hapoh ka Truck wa yah u Jashanpreet da pynyoo wym em sangeh u wei da pynhær bait u wot hawa ki kari wa em hakhmat da sangeh ki.
Kiwa yap toh uwi u bru wa 54 snem i rta uwa yah ya kawi ka kari Toyota Tacoma wa ar ngut won kiwi kiwa chong hapoh ka kari Kia Sorento.
Kiwa mynsoo joor toh uwa em 43 snem i rta uwa yah ya ka Dodge Avenger wa uwa 59 snem i rta uwa yieñ ha lait ka kari wei uwa mynsoo malu mala toh uwa 57 snem i rta uwa ya ka Chevrolet 2500.
Waroh ki kari wa chah ktah da em ki 8 tylli wa kyntup ya 4 tylli ki kari kamai.
Ya u Jashanpreet da kem pyn na ini i thaw wa jia.
Ka takit da chem wa u Jashanpreet da psiah u pyrchah ya ka aiñ cha USA ha u snem 2022 lyngba ka Mexico heiwa da kem wei da pynlait won ya oo khlem da phah liwan cha India.
Iwa phylla won wa u Jashanpreet toh uwa em ya ka License wow yah ya ki kari kamai hanla ymtoh u tre chnong wa da e da ka jylla California.
Ini da jia i hadien wa sa uwi uwa na India hi uwa tip kam u Harjinder Singh uwa yah Truck da dong u hapyrdi sarok ha Florida heiwa da yap le ngut ki bru iwa da jia dang ini wa dep.
Discussion about this post