Ar ngut kiwa wan uiñke na Kerala da yap ngam-um ki ha Sela Lake, Tawang District ka Arunachal Pradesh ynnin ka sngi heiwa da ye wow sai ya iwi i metyap katwa dang thooh sa ya iwi tawon.
Ya i metyap u Dinu (26) da ye u sai tangwa dang thooh da ya u Mahadev (24) uwa dang wiar.
U Superintendent of Police, u DW Thongon da ong u wa kini ki ar ngut wan ki chirup wa ki 7 ngut wei da poi ki ha Tawang na Guwahati.
Da ong u wa ini da jia i heipor wa da yooh ki ha kani ka nan kawa man thah tangwa da kaad noh u thah heiwa u Dinu wa u Mahadev da ngam ki hapoh u thah.
Chooh chooh da ong u wa mar ya tip yeini da hiar ki pulit chirup wa ki chipai wa ki SDRF wow pynlait ya kiwa ngam tangwa dang ye u sai du i metyap uwi donhi.
Kani ka nan man ko kawa pawnaam bha wei chong ko 13,000 feet hajrong loom wei lang thah ka um neidaw wa joor i kjam ha i tlang.
Discussion about this post