Ha iwi i jia wa sñiawsih ha Salaroh, Jowai ki chi kurim ynne ka sngi da dooh ki yei mynsien ki neiwa ngam-um ki ha kawi ka thlu-um wa em harood i yung yong ki.
Katkam wa ong ki pulit, u Waheh Chnong ka Moosalyngkat da pyntip u wa ka Mimon Pala kawa 59 snem i rta nei bakla da haap ko chapoh kani ka thlu-um.
Hadien kattu katni por won u kurim yong ka, u Deimonlang Sutnga uwa 55 snem i rta mar yoo ya ka kurim u hapoh ka thlu-um da kynthih u chapoh wow pynlait im ka tangwa oo leh da ngam u.
Neiliang ki pulit ka Jowai chirup wa ki pulit ka Fire and Emergency Service da wan ki wow sai yei metyap kini ki ar ngut.
Ki pulit hadien wa pynman yei takit wei wow pyndep ya ki kyndon ka aiñ da chem wa ym em iwon iwon cha lyndet wei ini i yap ki chi kurim toh neidaw wa da yap ki dei bakla donhi.
Discussion about this post