Ynne i step heipor kamwa 11:30 da pyntip cha ki pulit wa em u bru wa yap nei ngam um ha wah Myntdu. Kamtæ ki pulit da lai ki wut wut cha ini i thaw yow takit yeiwa jia.
Hawa poi hei thaw wa em i metyap, u bru wa ngam um uwa da khlaad da tip kam u Dawansame Najiar (33 snem) uwa na Loompyrdi, Iongpiah Jowai wei yei thaw wa chem ya oo toh na Mutong, Syntu Ksiar.
Yei metyap da ye wow sai deiwa wan ki Special Rescue Team, FES Shillong kiwa da ye wow sai yei metyap heipor kamwa 3:30 sngi.
Hadien wa pyndep ya waroh katkam ka aiñ, yei metyap da kit cha Civil Hospital, Jowai yow leh ya ka Post-Mortem. Hawa takit ki pulit ym em chem ki ya iwon iwon i dak i chin wow suba wa emkti kiwon kiwon ha ini i kaam, kamtæ da e kti noh ya i met u Dawansame cha kiwa ha-yung u khlem da leh Post-Mortem hadien wa da yoh bor na u ADM.
