Ki bru wa rah suloi da sait ki ya ki thaw mane ki Christan wa ki Jew ha thaaiñ North Caucasus ka Republic of Dagestan kawa dang man hi kam chibynta ka Russia heiwa da em palat 15 ngut ki pulit kiwa yap deilang wa ki bru paidbah heiwa ki pulit da yoh ki wow siat yap ya 6 ngut na kini kiwa wan siat.
Ini i lai siat wa da pynkhreh bha toh ha ki ar tylli ki chnong, kitæ ka Derbent wa Makhachkala heipor wa em ka lehniam Pentecost.
Kini ki bru wa da emkti ha ini i kaam da suba toh kiwa chitniam Islam kiwa lai siat ya ar tylli ki yung mane Christan wa kawi ka Synagogue wei da siat ki leh ya kawi ka Police Post wa em ha chnong Makhachkala heiwa da yap palat 15 ngut ki pulit wei da em leh uwi u heh niam uwa tip kam u Fr. Nikolai Kotelnikov wa yap ha ini wa jia katwa kiwa mynsoo leh da em ki boon ngut.
Yei daw wa jia ini ym pu tip tangwa ka chnong Derbent toh kawa em boon bha ki Jew wa sah wei kawi ka yungmane leh da chah thang ko ha ini wa jia.
Ka Dagestan toh kawa man kawa em i laitlooid wow synchaar ya idæ wei kawa boon ki paaid Muslim.
Discussion about this post