Kawi ka lieñsuiñ ka ri Ukraine International Airline Flight 752 kawa kit ya palat 180 ngut ki bru paidbah wa kiwa kreh da haap (Crash) ko hajan ka Imam Khomeini, Tehran, Iran.
Da ong wa kani ka lieñsuiñ Boeing 737-800 Jet da haap ko ha Parand, hajan ka nongbah Tehran du hadien kattu katni por wa sdang hær ko.
Neiliang ka Red Crescent ka Iran da ong wa ha ini i jia ym em wa lait wei waroh kiwa em hapoh kani ka lieñsuiñ da khlaad ki.
Kani ka lieñsuiñ Ukraine International Airline Flight 752 toh u mih ko heipor 5:15 Am (7:12 i por India/IST) wei u hær ko cha Boryspil International Airport ha nongbah Kiev ka Ukraine tangwa da yoh won ko u mih heipor 6:12am (8:12 Am IST).
Ki dur wa booh ha Internet pynyoo ki wa kani ka lieñsuiñ da pra ko phrai wei kiwa kreh dang yaleh ki wow sylli ya kani ka thaw.
Ini i haap kani ka lieñsuiñ da jia i heipor wa dang joor i awri hapyrdi ka Iran wa ka America.
I daw wa haap kani ka lieñsuiñ da ong toh neidaw wa kopdiñ kawi na ki Engine da ong uwa e ktien ka Road and Transport Ministry, Iran.
Discussion about this post