Palat 250 ngut ki bru da yap ki wei da mynsoo da ki hajar ngut hadien wa khih u khmi ha Afghanistan ynne i step synyaaw. Uni u khmi toh uwa khlanbor 6.0 wei da khih u ha ka sor Jalalabad wa em hajan Pakistan.
Ka US Geological Survey (USGS) da ong ko wa da khih uni u khmi heipor 1:17 i step wei i thaw sdang toh iwa jngai 27 Km na Jalalabad wei yillu u 8 Km chapoh khyndaw wei da khih u heipor wa dang thiah ki paidbah.
Ki tre chnong da ong ki wa uni toh u khmi wa khlanbor dooh wa khih ha Afghanistan na ki snem wa dadep heiwa da kaad ki sarok, da oor ki yung, da em i oor khyndaw wa kiwi kiwi.
Uwa e ktien ka Afghan Public Health Ministry, u Sharafat Zaman da kubur u yeini heiwa da yap da ki spah ngut ki bru.
Da ong u wa neidaw wa u khmi da khih u ha ki thaw loom da man iwa eh bha u tip hiwot katwon ngut wa yap wei mynsoo.
Chooh chooh da pyntip u wa da sdang wow phah ya ki bru wow lai pynlait ya kiwa sahkut wei wow yarap ya kiwi wa emkaam.
Discussion about this post