Da antaad wa kamwa palat 500 million ki mrad da yap ki na i iñ ki khloo (Bush Fires) ha kylleiñ ka ri Australia, kiwa kynthup ya kamwa le pawa ki mrad Koala Bears ha New South Wales.
Ini i diñ da sdang kop i nadooh u Naikhynde 2019 wei da poor i kylleiñ ka ri wei dang kyrooh i hadooh ynne ka sngi wei da antaad wa da dooh leh hadooh palat 20 tylli ki mynsien bru.
Katkam ki stat Ecologist na ka University of Sydney da ong ki wa ki mrad wa da yap kynthup ki ya ki sim wa ki doh wa ha rukom kiwa da yap neidaw i iñ namo wa leh i tdem.
Da antaad wa da yap hadooh 8,000 tylli ki Koala Bear ha kini ki diñ wei i thaw wa chah ktah joor dooh toh kiwa jngai kamwa 240 mile na sorbah Sydney.
Hadooh ynne ka sngi ki khloo wa dang kyrooh i diñ em ki kamwa palat 100 tylli ha kylleiñ ka ri wei ki khloo wa da chah baam em ki kamwa 5 Million Hectare.
Ini i diñ da ktah i ym du ya ki mrad tangwa wot ya ki bru kiwa da chah baam ki yung ki sem iwa da pynbor ya ki wow yut chnong. Da em leh ki thaw kiwa ki bru da haap yut ki chadooh cha rood duriaw neidaw wa da joor ware i diñ.
Katkam ki wyrta khubor da ong wa da em hadooh 28 ngut ki bru wa da khlaad wei kamwa 16 ngut kiwa wiar.
Ki stat Science da ong ki wa kini ki diñ daw pteiñ ki neidaw wa man ko ka por lyiur wei man ki khloo kiwa raw.
Discussion about this post