Uwi u Politician ha Bangladesh uwa man kam u Hindu wei uwa jooh em hapoh ka Party ka Sheikh Hasina, ka Awami League, da yap u heipor wa chah kset ha ki pulit, heiwa kiwa ha-yung u da pynbaad ki wa ym em e dawai ya oo katkam wa emkaam u.
Uni toh u Proloy Chaki (60 snem) uwa man leh kam uwa rwai wei da em u hapoh patok heiyatoh wa iwa jia ha u snem 2024 ha ka yakhih ‘July Uprising’, hadooh wa hap yut ka Hasina na Bangladesh.
U Chaki toh uwa man kam u Cultural Affairs Secretary ka Pabna District Unit ka Awami League, wei da yap u ha Rajshahi Medical College Hospital ha ka 11 tarik hadien wa kjut chitom u heipor wa dang em hapoh patok.
U Pabna Jail Superintendent, u Md Omor Faruque da ong u wa u Chaki chitom u na kiwa boon ki jait kjut nadooh i kjut chini, kjut klongsnaam wei High Blood Pressure. Wei nyngkong ki Doctor wa em hapoh ka thanat da phah ki oo cha Pabna Sadar Hospital wei hadien won cha ka Rajshahi Medical College Hospital hei miet ka 9 tarik heiwa da khlaad noh u hei miet ka 11 tarik heipor 9:00 waje.
Kiwa ha-yung u Chaki da ong ki wa ym em yoh u ya ki dawai heipor wa em u hapoh patok. Wei da pynbad ki leh wa chah kem u hanla ym em mih pyrtuid u ha kawon kawon ka Case.
Kiwa pynlai ya ka patok da ong ki da kit ya u Chaki wut-wut cha Hospital mar ya joor i chitom u.
Discussion about this post