Ka chnat Ministry of Health & Family Welfare (MoHFW) ka ri ynne da pyntikna ko wa da yap la 3 ngut na u COVID-19 hapoh ka ri.
Ya uwa da pyntikna wa yap ynne toh uwa 64 snem i rta na Mumbai, Maharashtra ha Kasturba Hospital. Wei man u uwi na ki 36 ngut kiwa da yoh ya uni u khñiang ha Maharashtra.
Wa uni u bru, kiwa da yap na u COVID-19 hapoh India da em ki 3 ngut.
Kiwi ki ar ngut toh uwi uwa 76 snem na Kalburgi, Karnataka wei kawi won kawa 68 snem ha nongbah New Delhi.
Hadooh ynne 10:55 i step, hapoh India ka MoHFW da pyntip ko wa em 125 ngut kiwa da yoh ya uni u khñiang.
Na kini ki 125 ngut, ki nong India wa yoh ya u COVID-19 em ki 103 ngut katwa kiwa na baar ri won 22 ngut.
Hadooh wa man kattæ dang booddien hi yei man i long yong kiwa yatoh yajan wa kiwa da yoh ya uni u khñiang.
Chooh chooh ki jylla wa da chah ktah joor dooh toh ka Maharashtra kawa da em 36 ngut wa da yoh ya uni u khñiang, ka Kerala wa em 24 ngut (arngut ki baar ri) Haryana 14 ngut heiwa waroh kini ki 14 ngut toh ki nong Italy, ha Uttar Pradesh da em 13 ngut (kynthup ya uwi u baar ri).
Kiwa da chait hapoh ka ri waroh kawi em ki 13 ngut wei kini toh ha New Delhi, Kerala, Rajasthan, Telengana wa ha Uttar Pradesh.
Discussion about this post