Kiwa yap na u COVID-19 ha Manipur da poi ki cha 13 ngut hadien wa em sa uwi uwa khlaad ynne i step yow pynpoi ya waroh kiwa yap cha ka 13 ngut.
Uni uwa dang khlaad toh uwa 37 snem i rta uwa chah sumaar ha Regional Institute of Medical Sciences (RIMS), Imphal heipor 10:30 ynne i step.
Uwa khlaad da tip pyrtuid kam u Y Ibungo Singh u khon u Y Nilamani na Mayang Imphal uwa jooh man kam u Constable ka NAB, Manipur.
Kam wow pynkynmoo wa ynnin ka sngi kiwa yoh COVID-19 ha Manipur da poi ki cha 3982 ngut hadien wa em sa 41 ngut kiwa dang yoh.
Na kini kiwa dang yoh, 34 ngut toh ki bru paidbah wa 7 ngut ki bru Central Armed Police Force.
