Sa uwi u khynnah na Meghalaya uwa lai skur ha iwi i skur wa em ha Mandya District ka Karnataka da khlaad noh u ynnin i miet wot hadien wa da kyrriah oo cha ka thaw sumaar wa miat.
Wa uni kattu da em ar ngut kiwa na Meghalaya kiwa da yap hadien wa baam ki yei baam wa da sah da man bih (Food Poisoning) hapoh ka Hostel ki ha ka 15 tarik heiwa yeini i baam da pynkhreh kam chibynta ka khawai Holi ha ka 14 tarik.
Neiliang u Montri Rangbah ka Meghalaya da pynbna u ya ka poisa yarap wa ₹3 lak cha kiwa ha-yung ha-sem kini ki khynnah wa yap wei daw su leh ya ka bai sumaar yong waroh ki kini ki khynah.
Kamwa man kattæ dang em sa 22 ngut kiwa na Meghalaya kiwa dang chah sumaar wei da lait ki nei maa.
Neiliang ka sorkar da phah ko ki bru yong ka wa kyntup ya u Cyril V Diengdoh uwa man kam u Commissioner & Secretary, Home (Police) Department deilang ki bru na ka Education Department wei dapoi ki leh cha kani ka thaw wei da yachem ki wa u District Magistrate ka Mandya District wei da lai ki leh cha ka Hospital wa dang sumaar ya kini ki khynnah wei da lai pait ki leh ya ka skur wa lai puræ kini ki khynnah.
Da pyntip leh wa da kem ya 3 ngut ki bru heiyatoh wa ini wa kynthup ya u tre kani ka skur wa u Warden ka Hostel.
Puræ leh: Yap u khynnah uwa na Meghalaya hadien wa baam yei baam wa da man bih ha Karnataka
Discussion about this post