San ngut ki bru da yap ki ynne i step hadien wa chah siat ha ki pulit ka Assam ha chnong Mukroh, West Jaiñtia Hills heiwa ki pulit Assam da siat ki kamwa 40 sien.
Ini da sdang i hadien wa em kawi ka kari na chnong Mukroh da chah ksoh ko ha ki pulit ka chnat Forest ka Assam wei da kem leh ya kiwa em hapoh yong ka wei da rah noh ya ki.
Neiliang kiwa chong chnong hadien wa tip ki yeini da mih paidbah ki wow dawa pynlait ya kini ki bru tangwa da ya tyngkhooh noh wa ki pulit ka Assam heiwa da em leh ki bru paidbah kiwa da rah lang wa ki dieñ.
Yei daw wa sdang siat ki pulit ym pu tip tangwa da khlaad noh soo ngut kiwa na chnong Mukroh wa uwi uwa na Assam uwa man kam u Forest Guard. Kiwa chong chong ka Mukroh da ong ki wa ki pulit ka Assam dapoi ki chadooh chapoh ka chnong Mukroh.
Neiliang u DC kamjooh u SP ka West Jaiñtia Hills kattæ da lai hiar ki cha ini i thaw wa jia.
