Jowai: U Deputy Commissioner, West Jaiñtia Hills District da pyntip u wa neidaw wa em ki sniang wa yap ha Shangpung Moosyiem, West Jaiñtia Hills District, wei da suba wa toh na i kjut African Swine Fever (ASF).
Kamtæ da pynmih hukum u yow yada nei poor ini i kjut cha kiwi ki chnong:
Da khang wow kit wow chalan sniang na kini ki thaw wa em ki sniang wa yap, wa kjut iwa man 1 Km soodong i thaw wa jia.
Ki Rapid Response Teams (RRT) ka Veterinary Department daw wan ki wow pynkhooid yaki phylloh, waki thaw wa em ki sniang wa chah ktah.
Yaki sniang wa yap, i doh sniang, ki baam sniang, ki jakhlia wa mih na ki sniang toh u tlep yillu bha deiwa tymmoh da u chuni hapoh i pait ki RRT.
Yaki sniang khloo u pait da ka Divisional Forest Officer, Wildlife Division.
Da khang wow pynyap sniang, u dai doh sniang ha kini ki thaw wa em wa yap sniang kiwa em 1 KM na i thaw wa em wa yap ki sniang.
Da khang yei chalan sniang na kawi ka District cha kawi kamjooh wa kiwi ki jylla.
Ki tre sniang toh u pyntikna ki wa ki thaw ri sniang u man ki kiwa ym yoh ki bru wow psiah, kamjooh ki sniang khloo wa kiwi ki sniang yow lait nei poor ini i kjut. Wei kiwa ri sniang ym toh wow lai ki na kawi ka phylloh cha kawi
Ki kari wa lai wa wan na kini ki thaw u chah du hadien wa da dep sait khooid ya ki.
Ym toh leh wow e baamsniang da kiwa tam na yung wa kiwa tam na ki Restaurant.
Ki jakhlia wa mih na ki thaw pynyap sniang, ki dukan dai doh sniang toh u noh ki deiwa tlep hadien wa dep wow leh waroh ki kyndon wa da booh.
