Uwi u chipai na Manipur uwa kreh hapoh ka 5th Assam Regiment da yap noh u hadien wa chah rong ha ka wah Chenab ha Jammu and Kashmir ha i miet ka 28 tarik uni u bnai.
Ya uni u chipai da tip kan u Jimmy Ngamminlun Mate, u khon u (L) Holkhothang Mate na Sahumphai, Manipur wei man u kam u Agniveer.
U Jimmy toh uwa embynta hei wow lai yarap ya kitu kiwa chah ktah nei chlai um ha thaain Akhnoor ka J&K tangwa hadien wa chlai syndet ka wah Chenab ha i miet ka 26 tarik, ka Unit yong oo hap ieh ko yei thaw wa chong ki hadien wa rong ka um ya ini i thaw wei hadien ini u Jimmy leh da wiar u.
Ya u Jimmy da thooh kamwa 24 kynta wei da chem ya i metyap u heipor kamwa 3:00 i sngi.
Ka yung ka sem u Jimmy da yut ki na chnong ki hadien i awri ha Manipur, wei da sah ki ha Internally Displaced Persons (IDPs) ha NS Khojamphai, Churachandpur.
Discussion about this post