Katkam ka khubor wa da yoh da ong wa u heh ka Islamic State, u Abu Bakr al-Baghdadi da chah tynyap u ha ki chipai ka United States ha Syria, da ong ki khubor na Syria, Iraq wa Iran.
U President ka USA, u Donald Trump da ong u ha u twitter “Something very big has just happened!” namo em i jia iwa heh.
Uwi na ki heh ka sorkar America, da ong u ya u Reuters wa da pynkhreh wow hiar thma ya u Baghdadi tangwa ym em u ong u yeiwa lada yap u ha ini i hiar thma.
Uwi na ki heh chipai na Syria da ong u wa da ngait wa u Baghdadi da yap u ha ini i chah hiar thma ynnin i miet heiwa da pynemkaam da ki lieñsuiñ niangkachiah (helicopter), ki lieñsuiñ yapam wa ki chipai hajan ka chnong Brisha wa em hajan u pood ka ri Turkey.
Ki heh chipai ka Iraq wa Iran da kam ki wa u Baghdadi da yap u ha Syria.
Waroh ka pyrthai kyruiñ ki cha u President ka America, u Donald Trump uwa da pynbna wa ya u Baghdadi da yap sakhiat u ha ki chipai ka US Special Operations Forces ynnin i miet wei da chah siat leh boon ngut kiwa yada ya u Baghdadi katwa neiliang ki chipai ka US ym em dooh ki ya uwi wot leh u bru.
Chooh chooh da pyntip u wa u Baghdadi yut u chapoh kawi ka Tunnel (Dead End) deiwa taan lang ya ki le ngut ki khynnah kiwa da suba toh ki khon u wei manda poi cha wa kut ka Tunnel deiwa phah kdong ya oo ha ki ksaw da pynpdung u yaka Vest wa sap u wei da yap lang ki le ngut ki khynnah wa em lang wa oo.
Discussion about this post