Yap u khlieh yong ka Hezbollah hadien wa dat Bomb ka Israel 

Ynne ka sngi ka Hezbollah da pynbna ko wa da yap u khlieh yong ka, u Hassan Nasrallah hadien wa dat Bomb ka Israel ya i thaw wa em u.

U Sayyed Hassan Nasrallah uwa man u Secretary General ka Hezbollah da ong u wa ini da jia i ha nongbah Beirut ka Lebanon.

Ki Jet ka Israel da dat Bomb ki ya ka Beirut nadooh ynnin hadooh ynne i step.

U Hassan da chah jied ya oo kam u Secretary General ka Hezbollah ha u 1992 ha i rta wa 32 snem hadien wa chah pynyap u Abbas al-Musawi uwa man u heh ka Hezbollah chwa yong oo.

Related posts

Pyndep ki 151 ngut yei sikai kreh mistri, chet baam wei taan bordiñ

May 23, 2025

Da hap kyrriah tarik ya ka Lucky Draw ka Jaiñtia Truck Driver Association

May 23, 2025

Hadien wa jia ini, da mih paidbah ki bru ha Budgam ka Jammu & Kashmir yow pyrchah ya ini wa leh ka Israel Defence Force.

Ka Hezbollah toh ka seiñ kieñ suloi ki Shia Islamist wa em ha Lebanon kawa da tipmit kam ka Terrorist Organisation da kiwa boon ki ri wei da yaleh pyrchah ki ya ka Israel khamtam heipor wa chah hiar thma ka Lebanon ha ka Israel ha u snem 1982.

Hezobollah hawa pynkylla chei ktien pharæng mut i ‘Party of God’.