I joor slap ha Mumbai da wanrah ko ya chiboon i chah ktah ya kiwa chong chnong heiwa da em leh uwi u khynnah uwa da dooh yei mynsien ynnin ka sngi.
Uni u khynnah wa tip kam u Deepak Pille wei heipor wa jia ini dang lai luti na ka sarok wa chlai um wei da toh yooh u ya u uwi u sainar bordiñ ha Pannalal Compound, Bhandup heiwa da yap pyn ha ini i thaw wa jia.
Da pyntip leh wa da jia i heipor wa dang liwan u cha yung.
Kiwa em hajan da pyrchang ki wow kbai ya oo yow lait u lai na itai i thaw tangwa ym em sñiaw u ki, neibhah da tip ki yeiwa em u sainar bordiñ wa haap cha khyndaw hajan kawi ka Meter Box ha uni u sarok LBS Marg.
Ki paidbah da yarap ki wow kit ya uni u khynnah cha Hospital tangwa ym ye de ki Doctor wow leh iyi iyi.
Ha ini i joor slap da em palat 103 tylli ki deiñ kiwa da haap heiwa 93 tylli da haap ki du hapoh 24 kynta.
Da em leh 14 tylli ki kynroh wa haap ha kini ki ar sngi wa joor u slap ha Mumbai.
Discussion about this post