Uwi u khynroo Garo uwa na ka chnong Model Village, Ri Bhoi District ya uwa tip kam u Robert M. Marak (23 snem) uwa man u khon u Onil G. Momin, da thiah yap u ha sarok ryngkat wa ka Scooty kawa em Number – ML 10 D 5378 kawa da yah u heiwa da emlang wa u sainar bordiñ ha rdang.
Katkam ka yutip da ong wa uni u khynroo da yap u ynne i step heipor 6:00 waje.
U Robert da paan u ya ka scooty na u lok wow lai emkaam tangwa manda poi ha ini i thaw syndet da haap u sainar bordiñ ha rdang u hadooh wa yap u pyn ha ini i thaw.
Da ong leh wa boon kiwa mut u lai yarap ya oo tangwa neidaw ka bordiñ da randien noh ki wei da pyntip noh ki cha ki pulit ka Khanapara Police Station wa cha ka MeECL wow tymplæh ya ka bordiñ.
Discussion about this post