U National Level Basketball Player uwa tip kam u Hardik Rathi (16 snem) da yap u ha iwa jia khyllah ha chnong Lakhan Majra, Rothak District ka Haryana hadien wa u chrot wa em ka jaar Basketball (Basketball Hoop) da haap u ha oo heipor wa dang Practice u.
Katkam i Video wa da poor bha wa da riñ da ka CCTV yeini wa jia ynnin ka sngi, da yoo ya u Hardik wa kynthih u wei da ksoh u ya ka Basketball Hoop wei heini i poor u chrot da doon u wei da ban u oo hei bynta i rupai. Yeini da yoo leh da ki lok u kiwa da phet yow yarap ya oo deiwa rah ya u uni u chrot charood.
Hadien wa jia ini, neiliang u Sports Minister ka jylla da Suspend u ya u District Sports Officer.
Ini wa jia ymtoh i sien wa nyngkong ha Haryana wei kam ini i jooh da jia ar sngi nachwa ha Rothak hi heiwa uwi won u khynnah wa tip kam u Aman da chah ban u ha u chrot Baketball ha i thaw wa tip kam i Bahadurgarh.
Neiliang ka sorkar hadien wa jia ini da phah ko wow lai pait lai sylli ya waroh ki tiar wa em ha ki madan kamjooh ha ki skur wa ki College.
U MP Rajya Sabha kani ka thaaiñ uwa tip kam u Deepender Hooda da ong u wa da pynlait u Rs. 18 lak na ka MP-LAD yow pynchna yeiwa emkaam ki Stadium tangwa ong u neidaw wa man u kam u MP ka Congress da tlep donhi ya kani ka poisa wa pynlait hapoh ki File.
Discussion about this post