U Pilot ka Air India Express da khlaad u hadien wa sangeh u klong snaam u iwa da jia ha ka 9 tarik uni u bnai mar ya dep pynhiar ya ka lieñsuiñ wa wan na Srinagar cha Delhi ha Indira Gandhi International Airport.
Katkam wa pyntip ka Air India Express, uni u Pilot ym em sñiaw chait u mar ya pynhiar u ya ka lieñsuiñ wei da prai u leh hapoh ka thaw chong ki Pilot wei da sai wei kit ya oo wut wut cha ka Hospital tangwa da khlaad noh u ha luti.
Uni u Pilot toh uwa tip kam u Armaan uwa 28 snem i rta wei dang dep wot u wow bia ini wadep.
Deiwa jia ini, neiliang ka Directorate General of Civil Aviation (DGCA) da pynsangeh chwa ko ya ki kyndon neibynta ki Pilot heiyatoh wa ki kynta kreh wa ki kynta wow chong-ngiah ki. Kani ka Flight Duty Time Limitation (FDTL) Norms toh kawa da mut wow pynkrehkaam nadooh u June 2024.
Ka DGCA da thmu ko wow pynku na 36 kynta cha 48 kynta i chong ngiah wei wow kreh noh 10 kynta na ka 13 kynta yow pynduna yei ngiah ki Pilot.
Kiwa pynlai lieñsuiñ hadien wa pynbna ka DGCA yeini, da ong ki wa hap wow thung kreh sa 20-25% ki Pilot yow pynhun ya kini i kyndon thymme deiwa paan por 8-10 bnai heiwa da e laad wow leh yeini.
Hadien wa jia ini, ka DGCA da rai ko wow pait biang deiwi ya kini ki kyndon wa dang pynbna thymme.
Discussion about this post