U SP ka Ri-Bhoi District da pyntip u wa uwi u bru wa tip kam u Phurly Suting (52 snem), uwa na Umtasor, Briksuid, Ri-Bhoi District uwa da chah kem heiyatoh wa i suba pynyap ya u Amison Muruh ha ka 24 tarik uni u bnai wei da phah wow kset oo 3 sngi ha kti ki pulit da ka yung bichaar ka Ri-Bhoi District, da khlaad noh u ha ka sngi wa bood ka 25 tarik.
Da pyntip wa heipor wa em u hapoh thanat ha ka 25 tarik uni u bnai, da man u uwa chrai bru bha wei da ma u leh kam uwa biej wei uwa da kulmar i rukom pyrkhat.
Kamtæ da pynkit ya oo cha Civil Hospital Nongpoh hei janmiet ka 25 tarik hi heiwa da phah wow lai pynyoo oo cha MIMHANS, Shillong tangwa kat u poi u cha kani ka thaw sumaar da ong ki Doctor wa da khlaad chwa u.
Yei metyap da kit won cha Civil Hospital Shillong yow leh yeiwa emkaam heiwa da leh leh ya ka Post-Mortem.
Heiyatoh wa ini da booh da ka UD Case kawa da Register ha ka 26 tarik uni u bnai wei ka takit dang lai ko chakhmat.
Discussion about this post