Yap uwa na UK heipor wa wan sakhi ya ka Hornbill Festival

Uwi u bru wa 67 snem i rta uwa na United Kingdom da yap u nei chitom klong-saam heipor wa wan sakhi ya ka tamasa Hornbill Festival ha Nagaland.

Ki pulit da ong ki wa uni u bru wa tip kam u Nigel Richard Goodman da wan u cha Nagaland wow chimbynta ha ka Hornbill Festival ha i janmiet ka 7 tarik wei da ood u wa kjut rupai u heipor wa em u ha ka Gate-1 heipor 4:15 heiwa da oor u wei da kit ya oo cha ka Health Camp ha kani ka tamasa ha Naga Heritage Village, Kisama.

Hadien ini da kit ya oo cha ka Otking Hospital ha Kohima wa jngai kamwa 12 km heiwa da booh ya oo hapoh ka ICU tangwa da yap noh u heipor 7:40 ka jooh ka miet.

Ki pulit da ong ki wa uni da wan u samen chirup wa uwa yah luti ya oo namo u Tour Guide.

Related posts

Pynyoo u phareng wa ka um na ka Ganga toh kawa dap dei jakhlia wa mih na u bru

February 1, 2026

₹16 lak e yarap u Sniawbhalang Dhar cha ka chnong Mynsngat yow pynku ya ka puræ puthi

February 1, 2026

Ha kani ka tamasa wa 10 sngi da em 1.22 lak ngut wa chimbynta kawa da sdang nadooh ka 1 tarik uni u bnai heiwa 2,085 ngut toh ki baar ri wa 30,816 na kiwi ki jylla ka ri.

Da pyntip leh wa ka State Tourism Department daw phah kit noh ko ya ini i metyap cha ri yong oo.